DUNACARDIGAN - Íslenska

Íslenska útgáfan

Style DUNACARDIGAN er prjónauppskrift.

Uppskriftin er send á netfang sem gefið er upp og í  PDF formi sem hægt er að hlaða niður.

Stærðartafla

Stærðir (cm)  XS (S)  M  (L)  XL  (XXL)

1. Yfirvídd                                 

91 (94) 97 (100) 103 (106)

2. Lengd á bol                                    

44,5 (48,5) 51,5 (53,5) 55 (56,5) 

3. Lengd á ermum til handveg  

50 (50) 51 (52) 52 (52) 

Hæfni : Meðal þekking

Efni

Organic merino DK frá Thelma Steimann, garnið er 100% vistvæn handlituð merino ull. Meðallengd ca. 225m/100g í hverri hespu. Dásamlega mjúk ull til að vinna með.

Organic merino DK : 4 (5) 5 (5) 6 (6)

Hringprjónar 4 mm í 80 cm og 40 cm

Hringprjónar 3,5 mm fyrir stroff á bol
5 x sokkaprjónar 3,5 mm fyrir stroff á ermum
5 x sokkaprjónar 4 mm fyrir vasa og líningu á bol

Saumnál til að fela enda
8 x Prjónamerki
4 x Stórar öryggisnælur eða afgangsgarn
6 x tölur 2 cm & 1 x tala 1 cm

Prjónfesta

Hafið í huga að sannreyna prjónfestu áður en hafist er á verkefninu.
Fitjið upp 20 L á prjóna 4 mm og prjónið klukkuprjón (án uppsláttar)

1 umf: prj allar L slétt.

2 umf: 1 L slétt, et ; 1 L brugðin, prjónið 1 L slétt í lykkjuna undir næstu lykkju.
3 umf: 1 L slétt, et; prjónið 1 L slétt í lykkjuna undir næstu lykkju, 1 L brugðin.
Endurtakið umf 2 & 3 eða þar til 35 umf fyrir 10 x 10 cm prjónfestu. Þvoið prjónfestuna og leggið til þerris, prjónfestan ætti að stækka um 2 cm við þvott, þ.e.a.s. 12 x 12 cm.
Ef prjónfestan mælist smærri í cm, skiptið yfir á stærri prjóna.
Ef prjónfestan mælist stærri í cm, skiptið yfir á minni prjóna.

Gott að hafa í huga

Peysan er prjónuð ofan frá og niður með klukkuprjóni. Berustykkið er prjónað frá réttunni og röngunni. Peysunni er deilt upp við handveg og lykkjurnar sem tilheyra ermunum eru geymdar á meðan bolurinn er prjónaður áfram niður frá réttunni og röngunni. Peysan er opnuð fyrir vösum á hvorri hlið og vasarnir eru prjónaðir eftir að bolurinn hefur verið prjónaður. Bæði stroffið á bolnum og ermunum er prjónað með klassísku sléttu og brugðnu stroffi. Ermarnar eru prjónaðar í hring með klukkuprjóni, hafið í huga að klukkuprjónið er prjónað á annan hátt þegar prjónað er í hring. Listinn fyrir vasa, hálsmál og tölurnar, er prjónaður eftir að peysan sjálf hefur verið prjónuð. Listinn fyrir tölur er prjónaður með tvöföldu prjóni, þ.e.a.s fram-og bakhlið er prjónað hvert fyrir sig, en samtímis og lykkjurnar færðar yfir á prjónin óprjónaðar fyrir hverja hlið. Listinn er prjónaður yfir á peysuna með því að prjóna kant lykkjuna á peysunni saman með listanum og opnað er fyrir hnappagöt á hægri listanum.

Lesið vel í gegnum uppskriftina áður en hafist er á verkefninu. Hægt er að nálgast hjálparvideo inná heimasíðunni www.thelmasteimann.com til að sjá hvaða aðferðir eru notaðar hverju sinni. Myndefnið liggur inn á heimasíðunni undir DUNAVEST.

Magn af garni er miðað við meðaltal og er þar af leiðandi mismunadi fyrir hvern og einn. Hægt er að prjóna peysuna með hvaða garni sem er, með sömu þykkt og Organic DK.